verjinlurer.am-ի թղթակիցը խոսել է հեռուստասերիալի ռեժիսոր Ելենա Արշակյանի հետ, ով հայտնել է, որ իրենք պատրաստվում են քրեական գործ հարուցել այն անձանց նկատմամբ, ովքեր Անիի անվան տակ նման տեսանյութեր ու նկարներ են տեղադրել համացանցում:
Արշակյանը նաև նշել է, որ այդ տեսանյութը արված է եղել դեռևս շատ վաղուց և այն չի պատկանում Անի Երանյանին, պարզապես «հերոսուհին» Անիին շատ նման մի աղջիկ է. «Այդ տեսահոլովակում, ինչ-որ նկարներում Անի Երանյանը չի: Նրան ճանաչող մարդիկ, դրանք տեսնելով, միանշանակ կասեն, որ ինքը չի: Չգիտեմ` ով է այդ անձնավորությունը, որ զրպարտություն է տարածում Անի Երանյանի անվան շուրջ: Անի Երանյանն այդ մարդը չի. նա մեր սերիալի լավագույն դերասաններից ու լավագույն մարդկանցից մեկն է, որն իրեն լավագույնս է դրսեւորում»,-ասել է նա:

Հիշեցնենք, որ ամիսներ առաջ նմանատիպ սկանդալ տեղի ունեցավ դերասանուհի Անժելա Սարգսյանի անվան շուրջ, որի պոռնոլուսանկարները կարճ ժամանակով տարածվեցին համացանցում, սակայն աղմուկը չդադարեց երկար ժամանակ։